Њујорк, 13 мај 2021 (МИА) - Седницата на Советот за безбедност на ООН закажана за утре, на која требаше да се разговара за израелско-палестинското насилство нема да се одржи, изјави кинески портпарол. - Утре нема да има седница на СБ, рече тој. Причина за тоа е немањето консензус поради забелешките од САД, пренесува БГНЕС. Кина, Норвешка и Тунис предложија вонреден состанок на Советот за безбедност на ООН во петок во врска со ескалацијата на тензиите меѓу Израелците и Палестинците, но Вашингтон ја блокираше седницата.