Манила, 15 април 2025 (МИА) - Околу 9.000 американски војници ќе учествуваат на овогодинешните заеднички воени вежби со Филипините, кои Манила ги опишува како „генерална проба за одбраната на земјата“.

На вежбите што ќе се одржат од 21 април до 9 мај ќе учествуваат 5.000 припадници на филипинската армија, 200 австралиски војници, како и набљудувачи од Јапонија, Полска и Чешка, соопштија од Филипинската армија.

Овогодинешните вежби „Баликатан“ се спроведуваат во време на влошување на односите меѓу Кина и Филипините, а се почести се и инцидентите во спорните води на Јужното Кинеско Море. рп/

Фото: МИА архива