Сè повеќе луѓе страдаат од несоница
22 мај 2021
„Напнатоста е непријател на добриот сон“, вели психологот др.Ханс-Гунтер Вис, еден од водечките германски експерти за нарушување на спиењето и член на извршниот одбор на Германското здружение за истражување на сонот (ДГСМ).
„Фактот дека нашите денови се помалку структурирани ја влошува ситуацијата“, додава др. Дора Триче, директорка на Лабораторијата за сон во болницата во Нирнберг и исто така член на ДГСМ.
Луѓето кои се принудени на телекомуникација, на пример, немаат просторно растојание помеѓу работното место и местото за одмор. Во исто време, тие се помалку изложени на дневна светлина и помалку вежбаат.
„Кога поминувате толку многу време во затворено, вашето тело не ја разбира добро промената на денот на светлината и темнината“, вели Триче. „Затоа, можеби можеби навечер нема автоматски да бидете поспани“.
На некои работата од дома им помага
Но, на некои работата од дома им помага кога станува збор за подобар сон, особено на оние кои наутро секогаш се подолго мамурни и тешко можат да станат за на работа. Сега тие можат да спијат подолго и да се чувствуваат поодморено.
Без разлика дали несоницата е поврзана со пандемијата или не, експертите за спиење имаат неколку совети.
„За да заспиете лесно, мора да се чувствувате безбедно и опуштено, тоа се однесува на сите“, истакнува Вис и додава дека да се постигне тоа зависи од личност до личност. „Дефинитивно треба да се обидете“.
Тоа им помага на многумина ако работите што го попречуваат сонот се чуваат подалеку од спалната соба, вели Вис. И затоа, ако сте ја претвориле вашата спална соба во домашна канцеларија, треба да спиете во друга просторија. И, ако тоа не е можно, по завршувањето на работниот ден, одделете ја работната маса со некоја преграда.
Триче советува во кревет да се работи што помалку работа што не е поврзана со спиењето, како што е гледање телевизија. „Вашиот ум треба да знае дека креветот е место за спиење“.
Треба да одвоите време и психички да се дистанцирате од секојдневните проблеми пред спиење, а тоа значи да не гледате вести или емисии за пандемијата пред спиење затоа што тоа може да ве вознемири.
Но, на некои работата од дома им помага кога станува збор за подобар сон, особено на оние кои наутро секогаш се подолго мамурни и тешко можат да станат за на работа. Сега тие можат да спијат подолго и да се чувствуваат поодморено.
Без разлика дали несоницата е поврзана со пандемијата или не, експертите за спиење имаат неколку совети.
„За да заспиете лесно, мора да се чувствувате безбедно и опуштено, тоа се однесува на сите“, истакнува Вис и додава дека да се постигне тоа зависи од личност до личност. „Дефинитивно треба да се обидете“.
Тоа им помага на многумина ако работите што го попречуваат сонот се чуваат подалеку од спалната соба, вели Вис. И затоа, ако сте ја претвориле вашата спална соба во домашна канцеларија, треба да спиете во друга просторија. И, ако тоа не е можно, по завршувањето на работниот ден, одделете ја работната маса со некоја преграда.
Триче советува во кревет да се работи што помалку работа што не е поврзана со спиењето, како што е гледање телевизија. „Вашиот ум треба да знае дека креветот е место за спиење“.
Треба да одвоите време и психички да се дистанцирате од секојдневните проблеми пред спиење, а тоа значи да не гледате вести или емисии за пандемијата пред спиење затоа што тоа може да ве вознемири.
Совети на експертите
Но, мислите понекогаш продолжуваат да се мешаат, без оглед на тоа што правите. Ако се превртувате во кревет, Вис ве советува да станете.
„Колку и да е тешко, треба да останете смирени“, рече тој, објаснувајќи дека лежењето во будна состојба и броењето уште колку часа има до sвонењето на алармот само го влошува стресот, а стресот не доведува до сон.
Кога ќе станете од кревет, треба да направите нешто релаксирачко, како слушање лесна музика. „Во одреден момент, поспаноста ќе дојде сама по себе“, вели Триче.
За да избегнете такви ситуации воопшто, би било добро да легнете не затоа што е време да одите во кревет, туку кога сте навистина поспани.
Добриот сон зависи и од количината на физичка активност и изложеноста на свеж воздух во текот на денот. Спалната соба треба да биде тивка и темна и препорачливо е да се избегнуваат електронски уреди, бидејќи сината светлина што ја емитуваат нивните екрани го потиснува ослободувањето на мелатонин, хормон кој нè успива.
„Затоа ги советувам оние кои имаат проблеми со несоница да читаат книга или да прелистуваат списание пред спиење“, напоменува Триче.
Ако сè друго не успее и спиете лошо најмалку три ноќи во текот на неделата подолг временски период, најдобро е да посетите специјалист. „Добриот сон е регенеративен и важен за здравјето“, заклучува таа. паг/
