Москва, 23 февруари 2025 (МИА) - Преговори меѓу Русија и САД за „чувствителните точки“ во меѓусебните односи се планирани за крајот на следната недела, изјави рускиот заменик-министер за надворешни работи, Сергеј Рјабков.

Состанокот ќе биде на ниво на шефови на сектори во министерствата за надворешни работи на двете земји.

- Отворени сме за контакти со американската страна, особено за прашањата што предизвикуваат тензии во нашите односи. Очекуваме вистински напредок по оваа средба, рече Рјабков.

САД и Русија оваа недела постигнаа договор на средба во Саудиска Арабија помеѓу државниот секретар Марко Рубио и рускиот министер за надворешни работи, Сергеј Лавров, за преземање почетни чекори кон прекин на војната во Украина. ссм/

фото: архива