Руското Министерство за одбрана демантира дека ја гаѓале црквата „Преображение“ во Одеса
- „Информациите што ги пренесе режимот во Киев за резултатот од употребата на прецизно оружје врз црквата „Преображение“ во градот Одеса не се точни“, соопшти руското Министерство за одбрана.
![Руското Министерство за одбрана демантира дека ја гаѓале црквата „Преображение“ во Одеса](https://new.mia.mk/index.php/images/20230723122420_big_730x400_41.webp )
Москва, 23 јули 2023 (МИА) - Руското Министерство за одбрана денеска ги отфрли тврдењата дека цел на нападот во Одеса била историската православна катедрала, која е делумно уништена во ракетниот напад од ноќеска, пренесе Хина.
„Информациите што ги пренесе режимот во Киев за резултатот од употребата на прецизно оружје врз црквата „Преображение“ во градот Одеса не се точни“, соопшти руското Министерство за одбрана.
Тие соопштија дека ги планирале нападите „врз основа на внимателно проверени и потврдени информации преку неколку канали, намерно исклучувајќи го гаѓањето цивилни објекти во кои се наоѓаат цивили, како и на објекти од културно и историско наследство“.
Најмалку едно лице загина како резултат на нападот, додека 22 цивили, меѓу кои три деца, се повредени во синоќешниот напад на Одеса.
Според последните информации, едно рането седумнаесетгодишно момче е во тешка состојба на интензивна нега. сд/
фото:ЕПА