Рускиот амбасадор во Италија повикан на разговор поради шпионска афера
- Рускиот амбасадор во Италија е повикан во Министерството за надворешни работи утрово по апсењето на италијански офицер за шпионажа во корист на Русија, соопшти Министерството во Рим
![Рускиот амбасадор во Италија повикан на разговор поради шпионска афера](https://new.mia.mk/index.php/images/20221106150051_big_730x400_31.webp )
Рим, 31 март 2021 (МИА) - Рускиот амбасадор во Италија е повикан во Министерството за надворешни работи утрово по апсењето на италијански офицер за шпионажа во корист на Русија, соопшти Министерството во Рим.
- По наредба на шефот на италијанската дипломатија Луиџи Ди Мајо, „го покани рускиот амбасадор Сергеј Разов на разговор“, се додава во соопштението на италијанското МНР.
Според полицијата, италијанскиот поморски офицер бил уапсен за шпионажа во корист на Русија, заедно со руски офицер на кој му предал „доверливи“ документи.
Полицијата синоќа „уапси офицер на морнарицата“, соопштија карабинерите, прецизирајќи дека исто така е приведен и руски офицер. ми/