Москва, 17 декември 2024 (МИА) - Долниот дом на рускиот парламент денеска усвои нацрт-закон со кој Москва може да ги отстрани талибанците во Авганистан од списокот на терористички групи.

Според законот донесен од Државната Дума, официјалната терористичка ознака за талибанците може да биде суспендирана од страна на судот.

Законот сè уште треба да биде одобрен од Горниот дом и потпишан од претседателот Владимир Путин за да стапи на сила.

Талибанците беа ставени на руската листа на терористички организации во 2003 година и секој контакт со такви групи е казнив.

Сепак, талибанските делегации присуствуваа на различни форуми организирани од Москва.

Руските власти ги отфрлија прашањата за контрадикторност, нагласувајќи ја потребата од ангажирање на талибанците за да помогнат во стабилизирањето на Авганистан.

Советскиот Сојуз водеше војна во Авганистан, која заврши со повлекување на своите трупи од Москва во 1989 година.

Оттогаш, Москва се врати дипломатски како посредник во разговорите за Авганистан во кои се вклучени високи претставници на Талибанците.

Во меѓународната заедница се продлабочува поделеноста околу тоа како да се справи со талибанците. мс/

фото: МИА архива