Роналдо: Лигата на Саудиска Арабија ќе влезе во топ 5 во светот
- Кристијано Роналдо верува дека лигата на Саудиска Арабија ќе стане една од најсилните во светот.
![Роналдо: Лигата на Саудиска Арабија ќе влезе во топ 5 во светот](https://new.mia.mk/index.php/images/20230524113229_big_730x400_10.webp )
Ријад, 24 мај 2023 (МИА) - Кристијано Роналдо верува дека лигата на Саудиска Арабија ќе стане една од најсилните во светот.
- Лигата на Саудиска Арабија станува посилна секоја година. Следната година ќе биде уште подобра. Чекор по чекор ќе стане една од најдобрите пет лиги во светот. Но, треба време, играчи, инфраструктура. Сепак, верувам дека оваа земја има неверојатен потенцијал, неверојатни луѓе овде. Лигата ќе биде одлична, изјави напаѓачот на Ал-Наср по синоќешната победата на Ал-Шабабу со 3:2.
Роналдо е едно од големите фудбалски имиња кои играат во Саудиска Арабија. Понуди за продолжување на кариерата во оваа земја веќе има за Лионел Меси од ПСЖ, Лука Модриќ од Реал Мадрид, како и други фудбалери од врвни европски екипи. зс/
Фото: ЕПА