Романија ќе инвестира рекордни 10 милијарди евра за модернизација на вооружувањето
- Парламентот во Букурешт одобри проект за модернизација на вооружените сили на Романија вреден повеќе од 10 милијарди евра, а програмата предвидува набавка на системи за ПВО, оклопни возила, тенкови Абрамс, самоодни хаубици и оружје за воените авиони Ф-16.
![Романија ќе инвестира рекордни 10 милијарди евра за модернизација на вооружувањето](https://new.mia.mk/index.php/images/20230407111910_big_730x400_60.webp )
Букурешт, 7 април 2023 (МИА) - Парламентот во Букурешт одобри проект за модернизација на вооружените сили на Романија вреден повеќе од 10 милијарди евра, а програмата предвидува набавка на системи за ПВО, оклопни возила, тенкови Абрамс, самоодни хаубици и оружје за воените авиони Ф-16.
„Романија неодамна ја модернизира својата воздушна одбрана со купување на системот 'Патриот' со голем дострел и сега планира да купи 41 ракетен систем за ПВО со краток и многу краток дострел во вредност од 4,2 милијарди долари. Првата фаза започнува оваа година и во текот на следните осум години ќе бидат инвестирани 2,1 милијарда“, пишува порталот Балканска безбедносна мрежа, пренесе Бета.
Значајна инвестиција е планирана за набавка на борбени возила на пешадија, а за овие потреби ќе се потрошат три милијарди евра за 298 возила. Во првата фаза, која ќе трае во наредните девет години, планирано е да се купат 246 возила за 2,5 милијарди евра. паг/
Фото: МИА Архива