Сараево, 6 април 2023 (МИА) - Денеска истекува рокот за формирање влада на Федерацијата Босна и Херцеговина и закажана е седница на Претставничкиот дом на Парламентот на која ќе биде разгледана Одлуката за формирање влада, односно за избор на премиер и министри.

Претседателката на ФБиХ Лидија Брадара вчера поднесе предлог за одлука за формирање на извршната власт во Федерацијата, но без потпис на еден од двајцата потпретседатели од СДА, Рефик Лендo.

Како што е наведено, дали Лендо сепак ќе реши да потпише или владата ќе се формира без негов потпис ќе се види денеска. Очекувањата се дека нешто може да се промени до почетокот на седницата на Претставничкиот дом во 14 часот.

Ако потписот на Лендo сè уште недостига, пратениците можат само да разговараат за информацијата и да извлечат одредени заклучоци. паг/

МИА: Архива