Скопје, 3 март 2022  Владата предводена од СДСМ внимателно ги следи глобалните економски текови и последиците од агресијата врз Украина. Се преземаат сите мерки за да се зачува и унапреди стандардот на граѓаните, да се сочува економијата во услови на криза. Апелираме до граѓаните да бидат спокојни, не се очекува ценовен шок на основните прехранбени производи. Откако цените беа замрзнати, Владата донесе одлука за ограничување на маржите во трговијата на основните продукти на 10 отсто на мало и на пет отсто на трговијата на големо. Истовремено, државата има задоволителна количина на потребните прехранбени производи и нафтени деривати во стоковите резерви. Се разгледуваат и евентуалните потреби за дополнително зајакнување на динамиката на резерви. Централната банка изминатиот период информираше дека девизниот курс на денарот е стабилен а стабилна е состојбата и со девизните резерви. Помагаме и во надминување на енергетската криза и заштита на стандардот на граѓаните од енергетската криза. Го намаливме ДДВ-то за струјата од 18 на 5%, ја субвенционираме струјата и спречивме големо поскапување. Околу 7.500 домаќинства добиваат месечни субвенции од 600 до 800 денари за сметки за електрична енергија. Следејќи ја ситуацијата Владата предводена од СДСМ веќе подготвува нови пакети за помош на граѓаните и економијата, врз основа на анализи. Продолжува социјалниот дијалог, по покачувањето на минималната плата се работи на методологија за ново покачување на пензиите како и за дополнителна помош на пензионерите во услови на криза. Како парламентарно мнозинство продолжуваме со реализација на мерки и политики што го унапредуваат животниот стандард на граѓаните и ја помагаат домашната економија. Центар за комуникации со јавноста на СДСМ, прес-конференција на Лолита Ристова, пратеничка на СДСМ ___________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.