Рибакина се повлече од турнирот во Индијан Велс
- Четвртиот светски рекет, казахстанската тенисерка Елена Рибакина се повлече од турнирот во Индијан Велс (САД) поради здравствени проблеми.
![Рибакина се повлече од турнирот во Индијан Велс](https://new.mia.mk/index.php/images/20240309092521_big_730x400_88.webp )
Индијан Велс, 9 март 2024 (МИА) - Четвртиот светски рекет, казахстанската тенисерка Елена Рибакина се повлече од турнирот во Индијан Велс (САД) поради здравствени проблеми.
Рибакина преку социјалните мрежи им се заблагодари на фановите за поддршката.
- Би сакала да им се заблагодарам на сите навивачи кои дојдоа да ме поддржат и тажна сум што нема да имаат можност да ме видат како играм оваа година. Сега ќе одморам и ќе се опоравам за да можам да излезам на теренот и повторно да играм, напиша Рибакина на социјалните мрежи.
Оваа сезона 24-годишната тенисерка ја освои титулата на турнирите во Бризбејн (Австралија) и Абу Даби (ОАЕ). зс/
Фото: ЕПА