Вашингтон, 11 октомври 2023 (МИА) – Републиканците денеска го номинираа Стив Скализ за следен спикер на Претставничкиот дом на американскиот конгрес и сега ќе се обидат да се обединат во гласањето за тој да биде избран.

Ова се случи откако претходниот претседател, републиканецот Кевин Мекарти, беше сменет со невидена одлука во историјата на таа институција, бидејќи со предлагање и гласање за привремена мерка и помогна на американската влада да избегне парализирање на банкрот на сојузната држава поради надминување на годишната граница на трошење.

Републиканците во Претставничкиот дом имаат многу тесно мнозинство, а Мекарти беше сменет на иницијатива на мал број тврдокорни конзервативци. Неговото разрешување го поддржаа и демократите, кои имаат мнозинство во Горниот дом на Конгресот, Сенатот.

На гласањето на пратеничката група во Капитол, Стив Скализ освои повеќе гласови од неговиот ривал Џим Џордан, соопштија републиканските пратеници. јт/

Фото: Х