Реновирани целосно неупотребливи училници во ООУ „Ѓоргија Пулевски“
- Во ООУ „Ѓоргија Пулевски“ во Општина Аеродром целосно се обновени неколку училници. Училниците, кои 15 години не се во употреба, деновиве Општина Аеродром прв пат целосно ги реновира од кога
![Реновирани целосно неупотребливи училници во ООУ „Ѓоргија Пулевски“](https://new.mia.mk/index.php/images/20221106134953_big_730x400_94.webp )
Скопје, 15 март 2021 (МИА) - Во ООУ „Ѓоргија Пулевски“ во Општина Аеродром целосно се обновени неколку училници. Училниците, кои 15 години не се во употреба, деновиве Општина Аеродром прв пат целосно ги реновира од кога е изградено училиштето и наскоро ќе бидат приспособени за настава. Тие добија нов под, обновени ѕидови, сосема ново осветлување, како и нови прозорци и врати.
Градоначалникот на Општина Аеродром Златко Марин денеска изврши увид во реновирањето на училниците.
-Многу е важно да обезбедуваме подобри услови за учениците и да овозможуваме непречено следење на наставата, истакна градоначалникот Марин.
Тој посочи дека во изминатите години редовно се реновираат сите основни училишта, а од неодамна почна изградбата на четири нови училници во ООУ „Лазо Ангеловски“, со што ќе се овозможи укинување на третата смена.
Од Општина Аеродром информираат дека со предвиденото темпо се одвива и изградбата на новиот објект на училиштето „Димитар Македонски“ во населбата Лисиче. мд/дма/
![нови училници во ОУ Ѓ.Пулевски](/articles/images/renovirani-celosno-neupotreblivi-uchilnici-vo-oou-orgi-a-pulevski/e2usTTcD9/placeholder.webp?use_watermark=0)