„Реквием“ на Џузепе Верди во Национална опера и балет
- Во рамките на 51 издание на фестивалот „Мајски оперски вечери“ 2023 вечерва со почеток во 20 часот ќе се изведе „Реквием“ на италијанскиот музички мајстор Џузепе Верди.
![„Реквием“ на Џузепе Верди во Национална опера и балет](https://new.mia.mk/index.php/images/20230525181516_big_730x400_67.webp )
Скопје, 26 мај 2023 (МИА) - Во рамките на 51 издание на фестивалот „Мајски оперски вечери“ 2023 вечерва со почеток во 20 часот ќе се изведе делото „Реквием“ на италијанскиот музички мајстор Џузепе Верди.
Како што информираат од Националната опера и балет, диригент е гостинот од Бугарија, Емил Табаков, концерт-мајстор е Владимир Костов, а хор-мајстор е Ѓурѓица Дашиќ.
Настапува Хорот на Националната опера и балет и Оркестарот на Филхармонија на Северна Македонија.
Солисти се Беса Лугичи, сопран (Косово), Сања Анастасиa, мецосопран (Србија), Никола Китановски, тенор, Игор Дурловски, бас.
- „Реквием“ на Верди е фузија од опера, драма, симфонија, од возбудливи, виртуозни соло мигови, од радост и среќа, до патос и тага, од едноставни „реченици“ кои ја растеретуваат мислата, до длабока филозофска идеја за чија суштина вреди да се размислува. Делото е посветено на славниот италијански книжевник Алесандро Манцони, стои во соопштението од Националната опера и балет. ар/вг/
Фото: Национална опера и балет