Реал не им понуди нови договори на Асенсио и Себалос
- Марко Асенсио и Дани Себаљос ова лето би можеле да го напуштат Реал Мадрид. Според шпанскиот спортски весник „Марка“ овие играчи немаат добиено понуди за продолжување на соработката. Нивните
![Реал не им понуди нови договори на Асенсио и Себалос](https://new.mia.mk/index.php/images/20221113162525_big_730x400_74.webp )
Мадрид, 21 јуни 2022 (МИА) - Марко Асенсио и Дани Себаљос ова лето би можеле да го напуштат Реал Мадрид. Според шпанскиот спортски весник „Марка“ овие играчи немаат добиено понуди за продолжување на соработката. Нивните сегашни договори истекуваат во летото 2023 година.
И Асенсио и Себалос сакаат да бидат редовно на теренот. Тие имаат за цел да изборат место во репрезентацијата на Шпанија за Светското првенство во 2022 година и разбираат дека ќе биде тешко да се постигне ова додека играат за Реал Мадрид.
Раководството на „кралскиот клуб“ сака да знае кои се намерите на Асенсио и Себалос. Агентите на овие играчи работат на пазарот и бараат опции за нивните клиенти.
Реал Мадрид е подготвен да ги слуша понудите, но јасно стави до знаење дека нема да ги пушти бесплатно бидејќи Мадрид нема потреба од продажба во моментов. Реал не ја одреди сумата што сака да ја добие за овие играчи.
Во исто време, клубот стави јасно до знаење дека нема да биде лесно да се продолжат договорите со Асенсио и Себалос. зс/