Мадрид, 5 април 2020 (МИА) - Поради пандемијата на коронавирус, Реал Мадрид бара начини да го намали списокот на плати на тимот. Според „АС“, и покрај фактот дека финансиската состојба на клубот е стабилна, раководството има намера да продаде неколку играчи со цел да го намали вкупниот платен список. Како прво, Реал размислува за трансфери на играчите од средниот ред Герет Бејл и Џејмс Родригез. Клубот може да ги продаде и бранителите Хесус Валехо и Алваро Одриосола, играчите од средниот ред Дани Себалос и Браим Дијаз и напаѓачот Маријано Дијаз. Продажбата на сите овие играчи ќе му овозможи на Реал да заштеди плати од 75 милиони евра. Претходно беше објавено дека Реал Мадрид може да оди на намалување на платите на играчите. зс/