Мадрид, 24 ноември 2024 (МИА) - Реал Мадрид би можел да направи прилично изненадувачки потег на трансфер пазарот. На „Сантијаго Бернабеу“ размислуваат за повторно ангажирање на играчот од средниот ред, Касемиро од Манчестер Јунајтед во јануари, тврди „Тривела“.

„Кралевите“ почуствуваа дека заминувањето на Тони Крос остави сериозна дупка во средниот ред и затоа веруваат дека Касемиро може да помогне во оваа ситуација. Бразилецот може да има важна улога и на теренот и во соблекувалната на Реал, кој покажа доста флуктуации во перформансите оваа сезона.

Триесет и две годишниот фудбалер има договор со Манчестер Јунајтед до 2026 година, но сигурно не е незаменлив играч на „Олд Трафорд“. Така, „црвените ѓаволи“ веројатно нема да го изневерат доколку добијат доволно добра понуда, иако тешко дека ќе ги вратат 70-те милиони што ги платија за него во 2022 година.

Касемиро најголемиот дел од својата кариера го помина во Реал Мадрид, каде што играше помеѓу 2015 и 2022 година. За „белиот балет“ има 336 натпревари, 31 гол и 29 асистенции. дс

Фото: Архива