Мадрид, 14 јануари 2025 (МИА) - Реал Мадрид е подготвен да достави понуда до Манчестер Сити за 20-годишниот крилен напаѓач Савињо, пренесува „Кот офсајд“.

Според изворот, „кралевите“, како и ПСЖ, во последните недели испратиле свои скаути во Англија за да ја набљудуваат играта на бразилскиот фудбалер. Воедно, Манчестер Сити е задоволен од играта на Савињо и нема намера да го продаде.

Оваа сезона напаѓачот учествуваше на 26 натпревари на сите турнири, на кои постигна еден гол и направи осум асистенции.

Актуелниот договор на Савињо со клубот е до летото 2029 година.

Според порталот „Трансфермаркт“, пазарната вредност на играчот е 55 милиони евра. дс

Фото: Архива