Реал го покани Ал-Наср со Роналдо да игра на реновираниот „Сантијаго Бернабеу“
- Реал Мадрид може да одигра пријателски натпревар против Ал-Наср, пренесува арапскиот новинар Сауд Ал-Сарами.
![Реал го покани Ал-Наср со Роналдо да игра на реновираниот „Сантијаго Бернабеу“](https://new.mia.mk/index.php/images/20240207120009_big_730x400_75.webp )
Ријад, 7 февруари 2024 (МИА) - Реал Мадрид може да одигра пријателски натпревар против Ал-Наср, пренесува арапскиот новинар Сауд Ал-Сарами.
Според новинарот, шпанскиот фудбалски великан го покани Ал-Наср да игра на реновираниот стадион „Сантијаго Бернабеу“ во чест на завршувањето на реконструкцијата на стадионот, што треба да се случи на крајот на оваа или почетокот на следната година.
Поранешниот напаѓач на Реал Мадрид, Кристијано Роналдо, настапува за Ал-Наср од јануари минатата година. Португалецот играше за Лос Бланкос од 2009 до 2018 година и стана најдобар стрелец во историјата на тимот. зс/
Фото: ЕПА