Тирана, 22 мај 2021 (МИА) - Албанскиот претседател Илир Мета првпат реагираше за одлуката на САД да го прогласи поранешниот претседател и премиер Сали Бериша за непожелна личност. - Почитувани албански граѓани и сонародници насекаде во светот. Како претседател на Република Албанија, чувствувам голема одговорност да ја споделам со вас мојата проценка за „ писмото гром“ нарачано од режимот на клептократијата во Тирана, против господинот Сали Бериша, првиот демократски претседател на земјата, напиша Мета на Фејсбук. Тој потенцира дека е случајно избрано времето во кое е објавена одлуката на САД и оти тоа е е „грдо, предавничко и подло дело поврзано со антиалбанското лобирање“. Бериша, неговата сопруга, синот и ќерката, пред четири дена САД ги прогласи за персона нон грата бидејќи „бил вклучен во коруптивни активности, како на пример злоупотреба на јавни фондови, вмешаност во политички процеси, вклучително и употреба на моќ за лична корист и богатење на политичките сојузници, како и членови на семејството“. Тој ги отфрли обвинувањата и најави тужба против американскиот државен секретар Ентони Блинкен. вт/ми/