Рама: Нема простор за напредок додека не се ослободат тројцата косовски полицајци
- „ Без трите момчиња да си заминат здрави и живи од Србија, нема простор за вистински напредок ни милиметар! Откако ќе се вратат дома, потребна е силна нова акција на Франција и Германија за да се запре оваа спирала на апсурд! Но прва работа е : ослободете ги тројцата полицајци“, напиша Рама на Твитер
![Рама: Нема простор за напредок додека не се ослободат тројцата косовски полицајци](https://new.mia.mk/index.php/images/20230623065325_big_730x400_60.webp )
Тирана, 23 јуни 2023 ( МИА) - Албанскиот премиер Еди Рама синоќа реагираше околу ситуацијата на Косово, по средбите на шефот на европската дипломатија, Жозеп Борел, со косовскиот премиер Албин Курти и српскиот претседател Александар Вучиќ.
Споделувајќи дел од реакциите на Жозеп Борел за тензичната ситуација на северот на Косово, премиерот Рама наведува дека " без тројцата полицајци безбедно да се вратат од Србија, нема простор за напредок во дијалогот".
„ Без трите момчиња да си заминат здрави и живи од Србија, нема простор за вистински напредок ни милиметар! Откако ќе се вратат дома, потребна е силна нова акција на Франција и Германија за да се запре оваа спирала на апсурд! Но прва работа е : ослободете ги тројцата полицајци“, напиша Рама на Твитер. вт
фото: Твитер