Мадрид, 14 ноември 2024 (МИА) - Тренерскиот штаб на Реал Мадрид добил добри вести за темпото на закрепнување на двајца од повредените играчи - Давид Алаба и Лукас Васкез, кои можат да се вратат на теренот порано од првично очекуваното, пишува шпанскиот весник „Марка“.

Проблемот со истегнувањето на Васкез не е толку сериозен како што се мислеше и сега целта е да биде на располагање за натпреварот од Лигата на шампионите против Ливерпул на 27 ноември.

Австрискиот репрезентативец Алаба, кој се опоравува од повредата на коленото, сега е влезен во ритам со неговото опоравување и, при соодветни околности, би можел да продолжи со целосните тренинзи во декември.

Доколку Давид Алаба е подготвен да игра на почетокот на 2025 година, тоа може да има директно влијание врз потезите на Реал Мадрид на јануарскиот трансфер пазар. дс

Фото: Архива