Лас Вегас, 22 ноември 2024 (МИА) - Возачот на Мекларен, Оскар Пјастри, откри дека повеќе нема да го поддржува тимскиот колега Ландо Норис поради намалените шанси за освојување на шампионската титула во Формула 1.

-Во голема мера, „да“, одговори Пјастри на прашањето дали стратегијата на тимот се променила, пренесоа американските медиуми.

Лидерот Макс Верстапен од Ред Бул има 393 поени, вториот Норис има 331, а го следат Шарл Леклер од Ферари со 307 и Пјастри со 262 поени.

Коментарот на Пјастри, сепак, сугерира дека тој не е целосно слободен да постапува како што сака под никакви околности.

-Сè уште има некои, да речеме, многу конкретни сценарија каде што можеби ќе треба да помогнам. Но, за многу голем дел од ситуациите се враќаме како што беше, изјави возачот на Мекларен и додаде дека следната година сака да се осигура дека не биде во слична позиција.

Тимот на Мекларен води во поредокот кај конструкторите со 593 бодови, пред Ферари со 557 и Ред Бул со 544 бодови. дс

Фото: Архива