Пуштен во употреба нов мултифункционален парк во Маџари
- Од денеска е пуштен во употреба мултифункционалниот парк во Маџари, Триангла. Паркот е со повришна од над 2 000 метри квадратни и се состои од затворен дел - паркот за миленици, фитнес зона о
![Пуштен во употреба нов мултифункционален парк во Маџари](https://new.mia.mk/index.php/images/20221113182018_big_730x400_84.webp )
Скопје, 18 јули 2022 (МИА) - Од денеска е пуштен во употреба мултифункционалниот парк во Маџари, Триангла. Паркот е со повришна од над 2 000 метри квадратни и се состои од затворен дел - паркот за миленици, фитнес зона опремена со справи за вежбање и детско катче во кое што се поставени реквизити за игри и забава.
Градоначалникот на Општина Гази Баба, Бобан Стефковски кој денеска го посети паркот, изјави дека станува збор за соодветно осветлен парк, уреден со патеки, а исто така поставен е летниковец, фонтана, клупи и друга урбана опрема.
![стефковски гази баба](/articles/images/%d0%bf%d1%83%d1%88%d1%82%d0%b5%d0%bd-%d0%b2%d0%be-%d1%83%d0%bf%d0%be%d/D7v4JaIwT/placeholder.webp?use_watermark=0)
Како што рече, паркот е комплетно хортикултурно уреден и збогатен со голем број на дрва, а и поставен е систем за автоматско наводнување. Партнер во реализацијата на овој проект е компанијата „Макстил“.
-Со овој мултифункционален парк правиме уште едно поубаво место на кое што граѓаните на Гази Баба ќе можат да се дружат, да спортуваат и да рекреираат. Сакам да се заблагодарам на „Макстил“ која беше партнер во реализација на овој проект. Паркот е изграден со средства од Општина и од „Макстил“, додаде градоначалникот.
![парк маџари](/articles/images/%d0%bf%d1%83%d1%88%d1%82%d0%b5%d0%bd-%d0%b2%d0%be-%d1%83%d0%bf%d0%be%d/l6w2NRN4r/placeholder.webp?use_watermark=0)
![мицкоски](/articles/images/%d0%bf%d1%83%d1%88%d1%82%d0%b5%d0%bd-%d0%b2%d0%be-%d1%83%d0%bf%d0%be%d/91LUArZ8g/placeholder.webp?use_watermark=0)