Путин тврди дека Украина има огромни загуби во контраофанзивата
- Рускиот претседател Владимир Путин денеска изјави дека верува оти Украина изгубила 25 до 30 отсто од воените возила што западните земји му ги испорачуваат на Киев од почетокот на контраофанзивата и дека човечките загуби на Украина се десет пати поголеми од руските.
![Путин тврди дека Украина има огромни загуби во контраофанзивата](https://new.mia.mk/index.php/images/20230613171224_big_730x400_45.webp )
Москва, 13 јуни 2023 (МИА) - Рускиот претседател Владимир Путин денеска изјави дека верува оти Украина изгубила 25 до 30 отсто од воените возила што западните земји му ги испорачуваат на Киев од почетокот на контраофанзивата и дека човечките загуби на Украина се десет пати поголеми од руските.
Тој нагласи дека Русија изгубила 50 свои тенкови во борбите, од кои некои може да се поправат, а Украина загубила повеќе од 160.
Путин потенцира дека Украина е одговорна за минатонеделното пробивање на браната Каховка, за кое рече дека е предизвикано од гранатирање од страна на украинските сили со системите HIMARS од САД. мс/сд/
фото: ЕПА