Путин потпиша декрет за формирање на специјален фонд за поддршка на руските војници кои се борат во Украина
- Претседателот на Русија, Владимир Путин денеска потпиша указ за формирање специјален фонд за поддршка на руските војници кои се борат во Украина и нивните семејства. Указот за поддршка на „Бранителите на татковината“ е објавен на официјалната веб-страница на Владата
![Путин потпиша декрет за формирање на специјален фонд за поддршка на руските војници кои се борат во Украина](https://new.mia.mk/index.php/images/20230403112657_big_730x400_65.webp )
Москва, 3 април 2023 (МИА) – Претседателот на Русија, Владимир Путин денеска потпиша указ за формирање специјален фонд за поддршка на руските војници кои се борат во Украина и нивните семејства. Указот за поддршка на „Бранителите на татковината“ е објавен на официјалната веб-страница на Владата.
Мерките се „со цел да се обезбеди пристоен живот“ за војниците вклучени во офанзивата во Украина, како и за нивните партнери и деца, се наведува во декретот.
Одлуката за формирање на специјален фонд за поддршка на руските војници е донесена од Парламентот на 21 февруари.
- Наша должност е да ги поддржиме семејствата кои ги загубија своите најблиски и да им помогнеме да ги подигнат своите деца и да им дадеме образование и работа“, рече тогаш Путин. ми/