Путин го тргна Рогозин од позицијата шеф на Роскосмос
- Рускиот претседател Владимир Путин го тргна Дмитри Рогозин од неговата позиција како шеф на државната вселенска корпорација Роскосмос, се наведува во декрет објавен денеска на веб страницата
![Путин го тргна Рогозин од позицијата шеф на Роскосмос](https://new.mia.mk/index.php/images/20221113181312_big_730x400_92.webp )
Москва, 15 јули 2022 (МИА) - Рускиот претседател Владимир Путин го тргна Дмитри Рогозин од неговата позиција како шеф на државната вселенска корпорација Роскосмос, се наведува во декрет објавен денеска на веб страницата на Кремљ.
„Дмитри Рогозин со ова е ослободен од неговата позиција на генерален директор на државната вселенска корпорација Роскосмос. Декретот стапува на сила на денот на неговото потпишување“, пишува во документот.
Педесет и осумгодишниот Рогозин ја предводеше корпорацијата нешто повеќе од четири години, од крајот на мај, 2018 година. бд/