ПСЖ сè уште заинтересиран за Френки де Јонг
- Француски Пари Сен Жермен продолжува да покажува интерес за холандскиот репрезентативец и член на Барселона, Френки де Јонг, објави синоќа шпанскиот весник „Спорт“.
![ПСЖ сè уште заинтересиран за Френки де Јонг](https://new.mia.mk/index.php/images/20240404123441_big_730x400_90.webp )
Мадрид, 4 април 2024 (МИА) – Француски Пари Сен Жермен продолжува да покажува интерес за холандскиот репрезентативец и член на Барселона, Френки де Јонг, објави синоќа шпанскиот весник „Спорт“.
Дваесетишестгодишниот холандски играч од средниот ред, заедно со уругвајскиот дефанзивец Роналд Араухо, е меѓу играчите наведени за потенцијална продажба.
Ова не е прв пат Де Јонг да се поврзува со трансфер во Пари Сен Жермен, па дури се споменува цифрата од 60 милиони евра што клубот е подготвен да ја потроши за потписот на Холанѓанецот.
Сепак, самиот фудбалер останува цврст во намерата да остане во Барселона. ег ФОТО: Фејсбук