Пронајдено е 76 – годишното лице во кавадаречко по кое се трагаше од вчера
- Пронајдено е 76 – годишното лице во кавадаречко по кое се трагаше од вчера, оваа информација ја потврди за МИА, доктор Мирослав Нерков од Итна медицинска помош при Општа болница со проширена дејност Кавадарци.
![Пронајдено е 76 – годишното лице во кавадаречко по кое се трагаше од вчера](https://new.mia.mk/index.php/images/20240427132940_big_730x400_60.webp )
Кавадарци, 27 април МИА) – Пронајдено е 76 – годишното лице во кавадаречко по кое се трагаше од вчера, оваа информација ја потврди за МИА, доктор Мирослав Нерков од Итна медицинска помош при Општа болница со проширена дејност Кавадарци. Лицето го бараа полицајци, блиски роднини и други луѓе, пожарникари, планинари и велосипедисти.
-За среќа, лицето е пронајдено и веднаш пристапивме кон пружање прва медицинска помош, тоа е во стабилна состојба и надвор од животна опасност, го однесовме во неговиот дом, нагласи Нерков.
МИА претходно информираше дека вчера во 10.30 часот, во ОВР Кавадарци, К.С.(74) од овој град пријавила дека од домот се оддалечил нејзиниот сопруг С.С.(76), кој имал здравствени проблеми. Беа преземени мерки за пронаоѓање на лицето. свд/ир
Фото: МИА архива