Пронајдени човечки остатоци во чанта оставена пред куќа во Даблин
- Ирската полиција истражува наводно брутално убиство, откако добила дојава дека се пронајдени човечки остатоци во чанта оставена пред куќа во северниот дел на Даблин.
![Пронајдени човечки остатоци во чанта оставена пред куќа во Даблин](https://new.mia.mk/index.php/images/20221102121139_big_730x400_20.webp )
Даблин, 14 јануари 2020 (МИА) – Ирската полиција истражува наводно брутално убиство, откако добила дојава дека се пронајдени човечки остатоци во чанта оставена пред куќа во северниот дел на Даблин.
Првичните информации покажуваат дека се откриени остатоци од отсечени екстремитети – две раце и нога.
Полицијата ја блокирала областа. Приоритет ќе биде да се идентификува жртвата откако ќе се земат примероци од ДНК и да се разгледа списокот на исчезнати лица во Ирска.
Северниот дел на Даблин е една од областите во Европа каде криминалот е на високо ниво. Причина за тоа е борбата меѓу наркогрупите, поради што е зголемено полициското присуство. ки/гт/