Промоција на романот „Библиотекарката од Аушвиц“ на шпанскиот писател Антонио Г. Итурбе
- Во ЕУ Информативниот центар „Europe hоusе“ во Скопје денеска ќе се одржи официјалната промоција на романот „Библиотекарката од Аушвиц“ од шпанскиот писател Антонио Г. Итурбе.
![Промоција на романот „Библиотекарката од Аушвиц“ на шпанскиот писател Антонио Г. Итурбе](https://new.mia.mk/index.php/images/20221113232614_big_730x400_67.webp )
Скопје, 30 септември 2022 (МИА) - Во ЕУ Информативниот центар „Europe hоusе“ во Скопје денеска ќе се одржи официјалната промоција на романот „Библиотекарката од Аушвиц“ од шпанскиот писател Антонио Г. Итурбе.
Книгата на македонски јазик е објавена од издавачката куќа „Бата прес“, а на промоцијата ќе учествува и авторот Итурбе.
Станува збор за роман кој е преведен на повеќе од 30 јазици. Книгата е дел од проектот на издавачот „Отворени книги, отворени граници“ и е поддржана од програмата „Креативна Европа“ на Европската Унија и од Секторот за европски интеграции во Министерството за култура.
Македонското издание медиумската најава ја имаше на „Фестивалот на книгата 22“ и за романот има голем интерес меѓу љубителите на книгата кои сега ќе имаат можност да се сретнат со авторот. Настанот е отворен за сите посетители и е бесплатен.
Антонио Итурбе (Antonio Iturbe) е писател, новинар и универзитетски професор. Роден е во 1967 година, а уште од рана возраст живеел во Барселона. Со романот „Библиотекарката од Аушвиц“ стекна светска слава, кој беше и најпродаван роман според „Сандеј тајмс“.фф/мд/