Промоција на нови алатки и опрема за зголемување на ефикасноста на заедничките гранични контроли на граничниот премин Ќафасан - Ќафа тане
Скопје, 15 јули 2021 (МИА) - Проектот на УСАИД за економски развој, управување и раст на претпријатијата - EDGE денеска ќе одржи настан „Зголемување на ефикасноста на заедничките гранични контроли на граничниот премин Ќафасан - Ќафа тане“.
На настанот на граничниот премин Ќафасан, како што соопштија организаторите, ќе бидат промовирани нови алатки и опрема што ќе ги користат царинските службеници на двете земји.
Предвидени се обраќања на американската амбасадорка во земјава Кејт Мери Брнз, амбасадорката на САД во Албанија Јури Ким, заменик директорот на Царинската управа на Северна Македонија Муарем Асани, директорот на Генералниот директорат за царина на Албанија Генти Гажели и претставници на приватниот сектор.
Предивдени се обраќања и на Оливера Миовска, раководител на Одделот за ТИР и превоз на стоки, АМЕРИТ, како и на Трифон Муратај, извршен директор ZICO Ltd, Албанија. нд/ев/
