Промовиран филмот ,,Фениксот од Кавадарци" посветен на етномузикологот Васил Хаџиманов
- „Фениксот од Кавадарци" е насловен играно - документарниот филм посветен на етномузикологот Васил Хаџиманов, што синоќа беше промовиран во ,,Куќата на мирис и вкус" во Кавадарци.
![Промовиран филмот ,,Фениксот од Кавадарци](https://new.mia.mk/index.php/images/20230909090327_big_730x400_7.webp )
Кавадарци, 9 септември 2023 (МИА) - „Фениксот од Кавадарци" е насловен играно - документарниот филм посветен на етномузикологот Васил Хаџиманов, што синоќа беше промовиран во ,,Куќата на мирис и вкус" во Кавадарци.
Хаџиманов бил етномузиколог, фолклорист и мелограф, еден од најголемите собирачи на македонски народни песни и за време на својот живот собрал повеќе од шест илјади изворни народни песни, 500 тажалки и 700 албански народни песни.
Директорот на Музеј галеријата, Јаким Зимоски рече дека филмот опфаќа дел од животот на етномузикологот.
Настанот беше дел од традиционалната стопанско - културна и туристичка манифестација посветена на грозјето, виното и другите производи од грозје.
- Музеј галеријата е на високо ниво вклучена во активностите што се организираат во рамките на ,,Тиквешки гроздобер", нагласи Стојанче Рамов, претседател на Совет на Општина Кавадарци.
Продуцент на филмот е Миле Петковски. Сценариото и режијата се на Мишо Нетков. Директор на продукција е Диме Коцевски, а на фотографија, Тони Коцев.
Настанот беше збогатен и со музички дел. свд/дма/
Фото: МИА