Промовиран романот „Денот на црвот“ од Симона Јованоска
- Промоција на книгата „Денот на црвот“ од Симона Јованоска вчера се одржа во Паркот на поезијата во Градската библиотека „Браќа Миладиновци“ – Скопје.
![Промовиран романот „Денот на црвот“ од Симона Јованоска](https://new.mia.mk/index.php/images/20221113152931_big_730x400_79.webp )
Скопје, 8 јуни 2022 (МИА) - Промоција на книгата „Денот на црвот“ од Симона Јованоска вчера се одржа во Паркот на поезијата во Градската библиотека „Браќа Миладиновци“ – Скопје.
Делото е добитник на наградата „Роман на годината“ за 2021 година што ја доделува Фондацијата „Славко Јаневски“ од Скопје.
За романот зборуваше Наташа Абрашева – Нациќ, а делови од романот читаше актерката Ива Милчова. Модератор беше Братислав Ташковски.
Симона Јованоска е родена во 1985 година во Гостивар. Во родниот град завршила средно економско училиште, а потоа Економски факултет во Скопје, отсек маркетинг. Во 2015 година ја објавува дебитантската книга раскази „Ги најдов во длабокото“ а во 2019 година добива второ место на конкурсот на дневниот весник „Нова Македонија“ за расказот „Последниот кат“. мд/са/
![Денот на црвот](/articles/images/%d0%bf%d1%80%d0%be%d0%bc%d0%be%d0%b2%d0%b8%d1%80%d0%b0%d0%bd-%d1%80%d0/68egzQmFI/placeholder.webp?use_watermark=0)