Промовирана интернет-страницата на Трамп
- Поранешниот претседател на САД, Доналд Трамп отвори сопствена интернет-страница www.45office.com, со цел да остане во контакт со своите приврзанци и да ги презентира достигнувањата на својот
![Промовирана интернет-страницата на Трамп](https://new.mia.mk/index.php/images/20221106145454_big_730x400_62.webp )
Вашингтон, 30 март 2021 (МИА) - Поранешниот претседател на САД, Доналд Трамп отвори сопствена интернет-страница www.45office.com, со цел да остане во контакт со своите приврзанци и да ги презентира достигнувањата на својот мандат.
На почетната страница има повеќе фотографии од Трамп со познати личности, како и со неговата сопруга Меланија.
- Канцеларијата на Доналд Трамп е посветен на зачувување на славниот период од неговата администрација, истовремено промовирајќи ја програмата „Америка на прво место“, се наведува на почетната страница.
На сајтот исто така се прикажани и постигнувањата на Трамп, вклучително во енергетскиот сектор и безбедноста на границата, зајакнувањето на НАТО и неговата борба против пандемијата со Ковид-19.
На страницата не се спомнуваат скандалите, истрагата за корупција, двата обиди за отповикување на Трамп. ми/