Променливо облачно, попладне сончево со мала до умерена облачност
![Променливо облачно, попладне сончево со мала до умерена облачност](https://new.mia.mk/index.php/images/20221105201609_big_730x400_30.webp )
Скопје, 10 февруари 2021 (МИА) - Претпладне променливо облачно, во текот на денот сончево со мала до умерена облачност и со умерен, повремено засилен јужен ветер. Кон крајот на денот во северозападните делови ќе има врнежи од дожд. Минималната температура ќе биде во интервал од 0 до 6, а максималната ќе достигне од 12 до 18 степени.
Во Скопје претпладне променливо облачно, попладне сончево со мала до умерена облачност и со умерен јужен ветер. Минималната температура ќе се спушти до 2, а максималната ќе достигне 16 степени.
Под влијание на нов влажен бран во четврток повторно ќе биде облачно со врнежи од дожд, пообилни во западните и северните делови, а на планините на запад ќе врне снег. Поради продор на многу студена воздушна маса од север, во четврток попладне ќе почне да дува силен северен ветер, кој ќе се задржи и во наредните денови и ќе услови значително заладување. Во деновите од викендот ќе има локални врнежи од снег. Утринските температури ќе бидат многу ниски, а и дневните ќе се задржат под нулата.