Пролетна акција за чистење на Скопска Црна Гора
- Акција за чистење на Скопска Црна Гора ќе биде организирана денеска на која се очекува да се приклучат над 300 учесници, меѓу кои двете основни училишта од Сандево и Кучевиште како главни нос
![Пролетна акција за чистење на Скопска Црна Гора](https://new.mia.mk/index.php/images/20221112152018_big_730x400_24.webp )
Скопје, 20 март 2022 (МИА) - Акција за чистење на Скопска Црна Гора ќе биде организирана денеска на која се очекува да се приклучат над 300 учесници, меѓу кои двете основни училишта од Сандево и Кучевиште како главни носители на акцијата.
Ќе се придружат и планинарските здруженија „Скопска Црна Гора" и „Убавините на Скопска Црна Гора", извидничко здружение „Сидро", претставници на фирмата „Аура", како и индивидуалци љубители на природата.
Иницијативата е на Мери Аницин Пејоска, а идејата е да се смени свеста и да се даде пример за вакви граѓански иницијативи. Организаторите се надеваат дека акцијата како апел ќе допре до одговорните во државата за итно и систематско дејствување.
- Најпрво очекуваме основни предуслови, како контејнери и канти по патиштата и паркинзите, со цела логистика за собирање, табли за потсетување или предупредување, соопштија иницијаторите на акцијата за чистење на Скопска Црна Гора. цр/хс/