Продолжува асфалтирањето на улици во беровско Двориште
- Со асфалтирање на улици во центарот на беровското село Двориште се заокружуваат градежните активности во рамки на проектот „Македонија без кал”. Од општината информираа дека со реализацијата
![Продолжува асфалтирањето на улици во беровско Двориште](https://new.mia.mk/index.php/images/20221112151140_big_730x400_88.webp )
Берово, 17 март 2022 (МИА) - Со асфалтирање на улици во центарот на беровското село Двориште се заокружуваат градежните активности во рамки на проектот „Македонија без кал”. Од општината информираа дека со реализацијата на овие активности значително е подобрена патната инфраструктура во селото Двориште.
- Со реконструкцијата на улиците во село Двориште, се обезбeдува поголема безбедност и подобра комуникација помеѓу населените места, земјоделците добиваат подобар пристап до своите имоти и до градот, ќе се подобри локалната патна инфраструктура и значително се подобрува квалитетот на живот на жителите на село Двориште, истакнаа од општината.
Како што посочија од општината, проектите се реализираат со средства обезбедени преку Министерството за транспорт и врски.
- Примарен фокус на овој проект е регионалното поврзување со посебен прироритет на локалните патни правци. Целта е забрзан локален развој и модернизација на македонските општини, додадоа од општината.
Во досегашниот дел од проектот „Македонија без кал" во селото Двориште, извршена е реконструкција на асфлатни патишта со должина од 3300 метри, со вкупна вредност , од околу 400 илјади евра.вс/фф/
![асфалтирање улица1](/articles/images/%d0%bf%d1%80%d0%be%d0%b4%d0%be%d0%bb%d0%b6%d1%83%d0%b2%d0%b0-%d0%b0%d1/KoD7a8clm/placeholder.webp?use_watermark=0)