Кавадарци, 10 октомври 2024 (МИА) - Во Кавадарци е пробиен булеварот „Вељко Влаховиќ“ и извршено е спојување со „Западен булевар“, информираа попладнево од кабинетот на кавадаречкиот градоначалник Митко Јанчев. 

-Извршено е тампонирање на булеварот и во следна фаза ќе се постават водоводна, канализациска и атмосферска мрежа, целосно асфалтирање на булеварот со осветлување и тротоари во должина од 180 метри. Овој проект е комплетна инвестиција на Општина Кавадарци во висина од шест милиони денари и површина од 4.900 квадратни метри, појаснија од кабинетот на Јанчев. 

Оттаму додадоа дека изведувач на работите на терен  е фирмата Градба промет. свд/вј/

Фото : Фејсбук на градоначалникот Митко Јанчев