Вевчани, 21 март 2024 (МИА) - „Патување низ природните богатства на Вевчански извори”е насловена трајната поставка што утре ќе биде отворена во мултикултурниот центар „Коста Србакоски“ во Вевчани.

Поставката е изработена од Еко-свест, како дел од проектот „Поддршка на одржливо управување со Споменикот на природа Вевчански извори”, финансиран од Prespa Ohrid Nature Trust – PONT.

- Трајната поставка со својот едукативен карактер има цел да ги доближи до посетителите информациите за природните вредности на заштитеното подрачје Споменик на природа Вевчански извори и планината Јабланица, соопшти Еко-свест.

На свеченото отворање најавено е обраќање на градоначалникот на Општина Вевчани, Спасе Кочовски, извршната директорка на Еко-свест, Ана Чоловиќ Лешоска и Мирјам де Конинг, директорка на Prespa Ohrid Nature Trust. сс/цр

Фото: Мултикултурен центар „Коста Србакоски“