Њу Делхи, 9 јануари 2020 (МИА) - Во едно индиско гратче се раѓаат невообичаено голем број близнаци, и никој не може со сигурност да објасни зошто е тоа така. Според податоците на училиштата во Сиркажи, во сојузната држава Тамил Наду во јужна Индија, денес настава посетуваат најмалку 150 двојки близнаци. Околните жители тоа го гледаат како благослов. Како што пренесува Би-би-си, нема сериозно научно објаснување за тој феномен, но постои потреба да се дознае нешто повеќе околу тоа. си/