Принцот Чарлс го откри рецептот за неговиот омилен појадок
- Неговиот омилен утрински оброк содржи: 100 грама спанаќ, еден мал домат, 35 грама меко сирење, едно јајце, 80 грама милерам-павлака, 15 грама рендано тврдо сирење и свеж босилек.
![Принцот Чарлс го откри рецептот за неговиот омилен појадок](https://new.mia.mk/index.php/images/20221103203456_big_730x400_43.webp )
Лондон, 13 мај 2020 (МИА) - Принцот Чарлс на социјалните мрежи го откри својот омилен појадок - печени јајца со спанаќ и британско сирење.
Принцот својот омилен рецепт го сподели по повод интернет-фестивалот посветен на британското сирење и производството што е погодено од корона-кризата.
- Една од работите кои несомнено ни причинуваат огромно задоволство е добрата храна. Затоа е доста загрижувачки тоа што, поради пандемијата, во опасност е една од најголемите радости во животот - британското сирење, рече принцот Чарлс.
Неговиот омилен утрински оброк содржи: 100 грама спанаќ, еден мал домат, 35 грама меко сирење, едно јајце, 80 грама милерам-павлака, 15 грама рендано тврдо сирење и свеж босилек. Се пече во загреана рерна на 180 степени, од осум до 10 минути. си/сд/