Приведен прилепчанец, кај него пронајдени украдени предмети
- На улица „Широк Сокак“ во Битола, вчера полициски службеници од криминалистичката полиција и полициската станица за безбедност на сообраќајот при СВР Битола го лишиле од слобода Љ.М. (69) од
![Приведен прилепчанец, кај него пронајдени украдени предмети](https://new.mia.mk/index.php/images/20221114011341_big_730x400_10.webp )
Скопје, 21 октомври 2022 (МИА) - На улица „Широк Сокак“ во Битола, вчера полициски службеници од криминалистичката полиција и полициската станица за безбедност на сообраќајот при СВР Битола го лишиле од слобода Љ.М. (69) од Прилеп.
Како што информираа денеска од МВР, тој се сомничи дека е сторител на кривични дела „кражба“ и „тешка кражба“, a при преглед кај него биле пронајдени предмети кои потекнуваат од кривични дела.
Со судска наредба, во текот на денот бил извршен и претрес во неговиот дом во Прилеп и бил пронајден предмет кој потекнува од кривично дело. Тој бил задржан во полициска станица и по целосно документирање на случајот против него ќе биде поднесена соодветна пријава. цр/сп/