Приведен крадец во Кавадарци, одземениот паричник вратен на сопственичката
- Малолетник од Кавадарци вчера бил приведен од полициски службеници откако украл паричник на 56-годишна жена. Паричникот бил пронајден и вратен на сопственичката.
![Приведен крадец во Кавадарци, одземениот паричник вратен на сопственичката](https://new.mia.mk/index.php/images/20231129101312_big_730x400_86.webp )
Скопје, 29 ноември 2023 (МИА) - Малолетник од Кавадарци вчера бил приведен од полициски службеници откако украл паричник на 56-годишна жена. Паричникот бил пронајден и вратен на сопственичката.
- Вчера, во 14.00 часот, во Кавадарци, полициски службеници лишиле од слобода малолетник од градот. Тој се сомничи дека околу 12.15 часот во слаткарница во Кавадарци одзел паричник од кавадарчанката Б.Т.(56). Одземеното било пронајдено и вратено на сопственичката, а со малолетникот, во полициска станица, во присуство на родител и адвокат за малолетници, бил извршен службен разговор, информираат од МВР.
По целосно документирање на случајот, ќе биде поднесен соодветен поднесок. ир/цр
Фото: МИА архива