Приведени тројца малолетници за разбојништво во Скопје
- Тие се сомничат дека околу 13.10 часот во Градскиот парк во Скопје, со уште две други лица, физички го нападнале Ф.П.А.(19) од Скопје и се обиделе да му го одземат паричникот.
![Приведени тројца малолетници за разбојништво во Скопје](https://new.mia.mk/index.php/images/20240229114224_big_730x400_5.webp )
Скопје, 29 февруари 2024 (МИА) - Полициски службеници од Единицата за интервентна полиција при СВР Скопје вчера во 14 часот на подрачјето на општина Центар во Скопје, лишиле од слобода тројца малолетници од Скопје.
Тие се сомничат дека околу 13:10 часот во Градскиот парк со уште две други лица, физички го нападнале Ф.П.А. (19) од Скопје и се обиделе да му го одземат паричникот.
Од МВР најавуваат дека по целосно расчистување и документирање на случајот ќе биде поднесена соодветна пријава. сст/бак/
Фото: МИА архива