Приведени разбојници во Скопје
- МВР соопшти дека на 04.10.2022 во 17.20 часот на булеварот „Никола Карев“ во Скопје полициски службеници од СВР Скопје ги лишиле од слобода Н.Љ.(27) и М.Љ.(29), двајцата од Скопје, постапувај
![Приведени разбојници во Скопје](https://new.mia.mk/index.php/images/20221113235031_big_730x400_33.webp )
Скопје, 5 октомври 2022 (МИА) - МВР соопшти дека на 04.10.2022 во 17.20 часот на булеварот „Никола Карев“ во Скопје полициски службеници од СВР Скопје ги лишиле од слобода Н.Љ.(27) и М.Љ.(29), двајцата од Скопје, постапувајќи по пријава според која непосредно пред тоа, на подрачјето на Кисела Вода, сториле кривично дело „разбојништво“, при што од едно лице одзеле мобилен телефон.
По преземени мерки и активности сопрено е патничко возило „фиат пунто“ со скопски регистарски ознаки, во кое се превезувале двете осомничени лица, тие се приведени во полициска станица, а кај нив е пронајден одземениот предмет.
По целосно документирање на случајот против нив ќе биде поднесен соодветен поднесок. мч/лв/