Приведени насилници, го признале делото, определен им е домашен притвор
- Полициски службеници од Единицата за насилен криминал при СВР Скопје по преземени мерки и активности, на 25 септември ги лишиле од слобода Ф.В.(25) и А.Ф.(33), двајцата од Скопје.
![Приведени насилници, го признале делото, определен им е домашен притвор](https://new.mia.mk/index.php/images/20230927092441_big_730x400_62.webp )
Скопје, 27 септември 2023 (МИА) - Полициски службеници од Единицата за насилен криминал при СВР Скопје по преземени мерки и активности, на 25 септември ги лишиле од слобода Ф.В.(25) и А.Ф.(33), двајцата од Скопје.
Од МВР денеска соопштија дека тие се сомничат дека на 20.09.2023 во продажен објект кај арената „Тоше Проески“ физички го нападнале вработениот А.В. од Скопје.
- Двајцата биле задржани во полициска станица и во службен разговор со полициски службеници го признале делото. Во координација со јавен обвинител против нив е поднесена кривична пријава, а од страна на судија на претходна постапка определена им е мерка домашен притвор, соопштија од МВР. цр/дма/
Фото: МИА архива