Приведени двајца крадци, расчистени три кривични дела
- Полициски службеници од ЕВР Центар и Бит Пазар по преземени мерки и по распишана телеграма вчера лишиле од слобода еден малолетник од Скопје и еден малолетник од Струмица, сместен во установа за згрижување деца во Козле.
![Приведени двајца крадци, расчистени три кривични дела](https://new.mia.mk/index.php/images/20230927094650_big_730x400_57.webp )
Скопје, 27 септември 2023 (МИА) - Полициски службеници од ЕВР Центар и Бит Пазар по преземени мерки и по распишана телеграма вчера лишиле од слобода еден малолетник од Скопје и еден малолетник од Струмица, сместен во установа за згрижување деца во Козле.
Како што соопшти денеска МВР, тие се сомничат дека во периодот од 4 до 26 септември извршиле неколку кривични дела „тешка кражба“ на подрачје на Карпош.
Двајцата биле задржани во полициска станица и во службен разговор со полициски службеници признале три кривични дела, и тоа на 4 септември на ул.„Никола Парапунов“ извршиле тешка кражба во правен субјект, на 26 септември извршиле тешка кражба во пекарница, а одзеле и два велосипеда, сопственост на едно лице.
По целосно документирање на случајот, во координација со јавен обвинител, против нив ЕВР Карпош ќе поднесе соодветна пријава. дма/цр
Фото:МИА архива