Претседателот Пендаровски ќе присуствува на погребот на кралицата Елизабета Втора
- Претседателот Стево Пендаровски денеска ќе присуствува на државниот погреб на британската кралица Елизабета Втора во Вестминстерската палата во Лондон.
![Претседателот Пендаровски ќе присуствува на погребот на кралицата Елизабета Втора](https://new.mia.mk/index.php/images/20221113223102_big_730x400_3.webp )
Скопје, 19 септември 2022 (МИА) - Претседателот Стево Пендаровски денеска ќе присуствува на државниот погреб на британската кралица Елизабета Втора во Вестминстерската палата во Лондон.
Шефот на државата е придружуван од неговата сопруга Елизабета Ѓоргиевска.
Тие вчера ѝ оддадоа последна почит на британската кралица Елизабета Втора и се запишаа во Книгата на жалост.
![](/articles/images/%d0%bf%d1%80%d0%b5%d1%82%d1%81%d0%b5%d0%b4%d0%b0%d1%82%d0%b5%d0%bb%d0%/GBs09pa3M/placeholder.webp?use_watermark=0)
- Со сопругата оддадовме почит на посмртните останки на кралицата Елизабета Втора, пред погребната церемонија во Вестминстерската опатија. Голема почит за децениите во служба на народот и за тоа што беше пример за лидерство, скромност и великодушност. Нека почива во мир, напиша претседателот Пендаровски на својот фејсбук-профил.
Кралицата Елизабета втора почина на 96-годишна возраст на 8 септември. Таа беше монарх со најдолго владеење во британската историја и најстар шеф на држава во светот. сст/са/